Jább hann líður brátt undir lok.
Allt hefur gengið mjög vel í dag. Var reyndar eitthvað löt í morgun og borðaði ekki morgunmat fyrr en í kringum hádegisbil, hádegismat um kaffileytið og kvöldmatinn um 8 leytið. Var svo að borða eplagraut áðan og er að fara fá mér súkkulaðiís og kiwi til að klára mjólkurskammt, fituskammt og ávaxtaskammt. Namminamm
Einhvern tímann var alveg bannað að borða eftir 7-8 á kvöldin, maður spyr sig, af hverju er þá í lagi að borða þetta DDV dót á kvöldin? Þetta er auðvitað eintóm hollusta, það vantar ekki. Æ þetta eru smá pælingar, maður er ekkert vanur því að mega borða áhyggjulaus á kvöldin.
Já eins og ég sagði, ísinn bíður eftir að vera étinn og við viljum ekki að hann bíði

Kv. Fröken Granna.

Dagur númer 2. Gekk eins og í gær vonum framar. Smá sætinda-sukk-löngun hér og þar yfir daginn, en er fljót að yfirstíga það þegar ég skoða hvað ég "má" borða næst. Tala nú ekki um þegar ég FÆ mér það!
Er búin að vera dugleg að malla mér eitthvað yfir daginn, er heppin að hafa tíma í það núna. Ekki viss um að ég væri að höndla þetta ef ég væri að vinna á fullu, allavega ekki á meðan maður er að komast inn í þetta.
Í hádeginu borðaði ég fisk með grænmetissósu og í kvöldmat grænmetisrétt með pylsum og pasta (sleppti þá einum ávexti). Hvort tveggja alveg einstaklega gómsætt, mér fannst ég vera í himnaríki að borða svona góðan mat og þurfa EKKI AÐ HAFA SAMVISKUBIT!
En hins vegar þegar ég fór að telja saman fitunaskammtinn, þá sá ég að ég hafði borðað aðeins of mikið, sem sagt tveimur x-um of mikið!  
Vona að þetta verði fljótt að koma hjá mér, finnst fara svo mikill tími í þetta og litla daman mín er ekkert allt of þolinmóð stundum......

Best að drífa sig í háttinn.
Kv. Fröken Granna.

Hef gengið með þá hugmynd í maganum ansi lengi að byrja á danska kúrnum, en ekki gert neitt í mínum málum. Þar af leiðandi hef ég safnað ÓÞARFLEGA mörgum kílóum á mig og komin með upp í kok af allt of mörgum kílóum af SPIKI! Arrrrgghh
Burtséð frá því vona ég að þetta sé töfralausnin fyrir mig, að borða mig granna. Er jú þvílíkur mathákur þannig að þetta hentar kannski ágætlega.
Ég er 180 cm á hæð, kílóin verða ekki nefnd hér (nema að ég er yfir 100 kíló). Hversu mörg kíló fjúka verður að koma í ljós og mun ég deila því með þeim sem vilja fylgjast með. Sem sagt hér á átaksblogginu mínu.
Enn sem komið er veit enginn af þessu bloggi, endilega breiðið boðskapnum út. Er viss um að MARGIR fleiri eru í sömu sporum og ég, ALLT OF ÞUNGIR, en koma sér ekki í að gera eitthvað. BEEN there DONE that.
Til að súmmera þetta upp, þá var fyrsti dagurinn á danska í dag. Hann gekk vonum framar. Borðaði soðna ýsu í hádeginu og bjó til æðislegar kjötbollur og tómatsósu í kvöldmat. Ég held ég hafi nokkurn veginn klárað allt sem ég átti að klára í dag, nema að ég sveikst undan hálfum líter af vatni... (Drakk sem sagt bara 1,5 lítra). En það stendur strax til bóta á morgun!
Manni finnst þetta pínu ruglingslegt svona til að byrja með, þurfa að passa upp á borða nákvæmlega hitt og þetta, of mikið af þessu og þá verðuru að sleppa hinu... Og svo framvegis.

...WISH ME LUCK...

Jeg går i sovn (danski kúrinn tekinn alvarlega)
Kveðja, Fröken Granna.